मिति २०७३/०३/२५ गते यस कार्यविनायक नगरपालिकाले आयोजना गरेको तेस्रो चौमासिक सार्वजनिक सुनुवाई कार्यक्रम सफलता पूर्वक सम्पन्न गरियो । सरकारी निकायको सेवा सम्बन्धमा सर्वसाधारणको गुनासो समेट्ने उद्देश्यले सार्वजानिक सुनुवाइ कार्यक्रम आयोजना गरिएको हाे । कार्यविनायक नगरपालिकाको आयोजनामा साविक छम्पि गाविसकाे खुल्ला चाैरमा सम्पन्न भएको कार्यक्रममा सर्वसाधारणले सरकारी सेवाका विषयमा जिज्ञासा राखेका थिए भनें सरकारी कार्यालयका प्रमुखहरुले समाधानको प्रयास गर्नुभएको थियो ।
सो कार्यक्रममा बिभिन्न कार्यालयले प्रदान गर्ने सेवा सुविधा र सञ्चालन गर्ने योजनाको विषयमा सर्वसाधारणको गुनासो र सम्बन्धित निकायको जवाफ र प्रतिवद्धता समेट्ने प्रयास गरिएको थियाे । कार्यक्रममा सर्वसाधारणले कार्यबिनायक नगरपालिकाले सञ्चालन गरेका कामहरुमा बढी जिज्ञासा राखेका थिए ।
उनीहरुले नगरपालिकामा सञ्चालित योजनाहरुको अवस्था, योजना छनोटको प्रकृया, पेश्की र फछ्याैट प्रकृया छम्पी टिकाभैरव मोटर बाटोको विषयमा जिज्ञासा राखेका थिए । सर्वसाधारणले सरकारी कार्यालयले सेवा प्रदानमा ढिलासुस्ती गरेको सरकारी अधिकारीहरु औपचारिक कार्यक्रममा बढी सहभागी भएको विषयमा पनि गुनासो गरका थिए ।
करिब साँढे २ घण्टा चलेको सुनुवाइ कार्यक्रममा सर्वसाधारणले सोधेको जिज्ञासाको प्रमुख कार्यकारी अधिकृत श्री राेहित राज पाेखरेलले उत्तर दिनुभएको थियो ।
, 
, 
, 
, 
, 
